ఓటమి భయంతో కేంద్రంలోని బీజేపీ ప్రభుత్వం పేదలు, దళితులు, మైనారిటీల ఓట్లను దొంగిలించేందుకు కుట్ర చేస్తోందని తెలంగాణ సీఎం రేవంత్ రెడ్డి తీవ్ర ఆరోపణలు చేశారు. ప్రధాన ఎన్నికల కమిషనర్ జ్ఞానేశ్ కుమార్ రాజీనామా చేయాలని డిమాండ్ చేస్తూ ఇండియా కూటమి చేపట్టిన నిరసనలో ఆయన వరుసగా రెండో రోజు పాల్గొన్నారు. బ్రిటిష్ వారి విభజించు-పాలించు ఎత్తుగడలను అమలు చేస్తూ రాజ్యాంగ వ్యవస్థలను నిర్వీర్యం చేస్తున్నారని ఆయన విమర్శించారు.