నగరంలోని గోల్నాక ఫ్లైఓవర్ వద్ద రామాంతపూర్ జ్యువెలరీ వ్యాపారి శ్రీనివాసరావును కిడ్నాప్ చేసి రూ.1.30 కోట్లు వసూలు చేసిన కేసును చిక్కడపల్లి పోలీసులు ఛేదించారు. సికింద్రాబాద్ డీసీపీ రక్షితమూర్తి మీడియాకు వివరాలు వెల్లడిస్తూ.. అక్టోబర్ 5న పోలీసులమని నమ్మించి వ్యాపారిని తీసుకెళ్లి బంధించారని, కుటుంబ సభ్యుల ఫిర్యాదుతో సీసీటీవీ, సాంకేతిక ఆధారాల ద్వారా 9 మందిని అరెస్ట్ చేశామని చెప్పారు. పరారీలో ఉన్న మరో ఇద్దరి కోసం గాలింపు ముమ్మరం చేశారు.

మరింత సమాచారం కోసం అభ్యుదయం ఈ-పేపర్ తేదీ: 18-10-2026, పేజీ నంబర్: 3 చదవండి