ప్రపంచవ్యాప్తంగా గుండె సంబంధిత వ్యాధులు పెరుగుతున్న నేపథ్యంలో ప్రజల్లో ముందస్తు రక్షణ, జీవనశైలి మార్పులపై విస్తృత అవగాహన కల్పించేందుకు కూకట్‌పల్లిలోని ప్రముఖ రాందేవరావు హాస్పిటల్ ముందడుగు వేసింది. హాస్పిటల్ మెడికల్ డైరెక్టర్ డాక్టర్ కమలాకర్ మార్గదర్శకత్వంలో రేపు (సెప్టెంబర్ 29, మంగళవారం) ప్రపంచ హృదయ దినోత్సవ వేడుకలను అత్యంత ఘనంగా నిర్వహించనున్నారు. ఉదయం 6:00 గంటలకు ఆస్పత్రి ప్రాంగణం వద్ద ప్రముఖ రచయిత్రి, కుటుంబ సలహాదారు శ్రీమతి లక్ష్మీ కమలాకర్ వాకథాన్‌ను లాంఛనంగా ప్రారంభిస్తారు.
ఈ వాకథాన్‌కు ప్రముఖ కార్డియాలజిస్ట్ డాక్టర్ ఎస్. ప్రదీప్ రెడ్డి స్వయంగా నాయకత్వం వహించి, అనంతరం జరిగే ఉచిత కార్డియాలజీ వైద్య శిబిరంలో రోగులను పరీక్షించి వైద్య సలహాలు అందించనున్నారు. ఈ శిబిరంలో రక్తపోటు (BP), రాండమ్ బ్లడ్ షుగర్ (GRBS), ఈసీజీ (ECG), 2D ఎకో వంటి అత్యంత కీలకమైన గుండె పరీక్షలను పూర్తిగా ఉచితంగా నిర్వహించనున్నారు. అంతేకాకుండా, ఈ శిబిరంలో వైద్యులు సూచించిన తదుపరి వైద్య ప్రక్రియలు లేదా చికిత్సలపై రోగులకు 10 శాతం ప్రత్యేక రాయితీ అందజేస్తున్నట్లు ఆస్పత్రి యాజమాన్యం ప్రకటించింది. నగర ప్రజలు, స్థానికులు ఈ అవకాశాన్ని సద్వినియోగం చేసుకుని గుండె ఆరోగ్యాన్ని కాపాడుకోవాలని రాందేవరావు హాస్పిటల్ సీఈఓ డాక్టర్ ఎన్. యోబు ఆత్మీయ ఆహ్వానం పలికారు.
