స్త్రీ జన్మించినప్పటి నుంచే అండాల సంఖ్య పరిమితంగా ఉండి, వయసు పెరిగే కొద్దీ క్రమంగా తగ్గుతూ వస్తుంది. ఇది వృద్ధాప్య ప్రక్రియలో సహజమైన భాగమే అయినప్పటికీ, దీనివల్ల 30 లేదా 40 ఏళ్ల వయసులో గర్భం దాల్చడం పూర్తిగా కష్టమవుతుందని భావించకూడదని నిపుణులు చెబుతున్నారు. మహిళలు 20 ఏళ్ల వయసు నుంచే పోషకాహారం, క్రమం తప్పకుండా వ్యాయామం చేస్తూ శారీరక, మానసిక ఆరోగ్యాన్ని కాపాడుకుంటే 30 ఏళ్లలోనే కాకుండా 40 ఏళ్ల వయసులోనూ ఆరోగ్యకరమైన గర్భధారణ సాధ్యమవుతుందని సూచిస్తున్నారు.
30 ఏళ్ల వయసులో గర్భం దాల్చడం కష్టమవుతుందా.. అండాల సంఖ్య తగ్గుతుందా?
వయసు పెరిగే కొద్దీ మహిళల్లో సహజంగానే అండాల సంఖ్య తగ్గుతున్నప్పటికీ, 30 ఏళ్లు దాటిన తర్వాత గర్భధారణ అసాధ్యమని ఆందోళన చెందాల్సిన అవసరం లేదని వైద్య నిపుణులు స్పష్టం చేస్తున్నారు. మొత్తం శారీరక, మానసిక ఆరోగ్యమే సంతానోత్పత్తి సామర్థ్యాన్ని నిర్ణయిస్తుందని పేర్కొంటున్నారు.
అక్షర పరిమాణం
- గర్భం దాల్చడానికి ఒక ఆరోగ్యకరమైన అండం సరిపోతుంది కాబట్టి కేవలం అండాల సంఖ్య గురించే కాకుండా జీవక్రియ ఆరోగ్యంపై దృష్టి పెట్టాలి. 20 ఏళ్ల వయసు నుంచే రక్తంలో చక్కెర స్థాయిలను సమతుల్యంగా ఉంచుకోవడం, ఒత్తిడి లేని జీవనశైలిని అలవాటు చేసుకోవడం భవిష్యత్తులో గర్భధారణకు తోడ్పడుతుంది.






