అభ్యుదయం - జెనీవాలో జరిగిన ఐక్యరాజ్యసమితి మానవ హక్కుల మండలి (UNHRC) 63వ సమావేశంలో కశ్మీర్‌కు చెందిన ప్రముఖ సామాజిక కార్యకర్త తస్లీమా అక్తర్ పాకిస్తాన్ ద్వంద్వ నీతిని ప్రపంచం ముందు ఎండగట్టారు. పాక్ ఆక్రమిత కశ్మీర్‌ను ఆజాద్ కశ్మీర్ అని ప్రచారం చేసుకోవడం పచ్చి మోసమని ఆమె కొట్టిపారేశారు. పాకిస్తాన్ ప్రభుత్వం ఉగ్రవాదులను సరిహద్దులు దాటించి జమ్ముకశ్మీర్‌ను నాశనం చేయడమే కాకుండా, ఇప్పుడు పీఓకేలో స్వయంప్రతిపత్తి కోరుతున్న నిరాయుధ ప్రజలపై మారణకాండ సాగిస్తోందని ఆరోపించారు. పీఓకేలో ప్రాథమిక మౌలిక వసతులు, ఆసుపత్రులు, విద్యా సదుపాయాలు పూర్తిగా నిర్వీర్యమయ్యాయని ఆమె తెలిపారు. భారత ప్రభుత్వం జమ్ముకశ్మీర్ విద్యాభివృద్ధికి ఖర్చు చేస్తున్న బడ్జెట్‌లో పాకిస్తాన్ తొమ్మిదో వంతు కూడా పీఓకేలో ఖర్చు చేయడం లేదని గణాంకాలతో వివరించారు. కమ్యూనికేషన్లను బంద్ చేసి స్థానిక గొంతులను అణచివేస్తున్నారని, పాక్ ఆక్రమణ నుంచి అక్కడి ప్రజలకు విముక్తి కల్పించాలని ఐరాసను కోరారు.
మరింత సమాచారం కోసం ‘అభ్యుదయం’ ఈ-పేపర్ పేజీ నంబర్ 3 చూడండి (తేదీ: 25-09-2026).
