ముంబై: దేశీయ స్టాక్ మార్కెట్లు బుధవారం ట్రేడింగ్‌లో గత 8 నెలల గరిష్ఠ స్థాయిల వద్ద ప్రారంభమై భారీ లాభాలను నమోదు చేశాయి. అమెరికా, ఆసియా మార్కెట్లలో టెక్ స్టాక్స్ అమ్మకాల ఒత్తిడి ఎదుర్కొంటున్నప్పటికీ, విదేశీ పోర్ట్‌ఫోలియో ఇన్వెస్టర్లు (FPI) భారతీయ ఈక్విటీలను సురక్షిత గమ్యస్థానంగా భావించి భారీగా కొనుగోళ్లు జరిపారు. దీనికి తోడు మధ్యప్రాచ్యంలో ఉద్రిక్తతలు తగ్గుముఖం పట్టడంతో ముడిచమురు ధరలు దిగిరావడం భారత్ వంటి దిగుమతి దేశానికి కలిసొచ్చింది.