అమరావతి: రాష్ట్రంలో ఇటీవల సంభవించిన తుపాన్ల కారణంగా వ్యవసాయ, ఉద్యాన పంటలకు జరిగిన నష్టాలను వేగంగా నమోదు చేయాలని వ్యవసాయ శాఖ మంత్రి కింజరాపు అచ్చెన్నాయుడు అధికారులను ఆదేశించారు.

తుపాన్ల ప్రభావంతో పలు జిల్లాల్లో పంటలు దెబ్బతినగా, రైతులు తీవ్రంగా నష్టపోయారు. వ్యవసాయ శాఖ అధికారులు వెల్లడించిన ప్రాథమిక వివరాల ప్రకారం భారీ ఆర్థిక నష్టం నమోదైంది. ఉద్యాన పంటలు, వరి తదితర పంటల నష్టాన్ని విడివిడిగా అంచనా వేసి రైతుల వివరాలను నమోదు చేయాలని సూచించారు.

నష్టపోయిన ప్రతి రైతుకు న్యాయం జరిగేలా చర్యలు తీసుకోవాలని, అర్హులైన వారికి పరిహారం అందించడంలో జాప్యం చేయవద్దని మంత్రి స్పష్టం చేశారు.