ఆంధ్రప్రదేశ్ మున్సిపల్ ఎన్నికల్లో కూటమి ప్రభుత్వంపై ప్రజలు అపూర్వ విశ్వాసాన్ని కనబరిచారని ముఖ్యమంత్రి చంద్రబాబు నాయుడు అన్నారు. అమరావతి నుంచి నిర్వహించిన టెలీకాన్ఫరెన్స్లో టీడీపీ, జనసేన, బీజేపీ నాయకులు, కార్యకర్తలను ఉద్దేశించి ఆయన మాట్లాడారు. కూటమిలో ఏ పార్టీ అభ్యర్థి పోటీలో ఉన్నా సొంత అభ్యర్థిగానే భావించి అందరూ పనిచేయాలని సూచించారు. టికెట్లు రాని అర్హులకు భవిష్యత్తులో నామినేటెడ్ పదవుల ద్వారా తప్పక న్యాయం చేస్తామని హామీ ఇచ్చారు. తుఫాను నష్టాన్ని సమీక్షిస్తూనే, గురువారం జరగనున్న జడ్పీటీసీ, ఎంపీటీసీ పోలింగ్లో కూటమి భారీ మెజారిటీ సాధించేలా కార్యకర్తలు అప్రమత్తంగా ఉండాలని కోరారు.
ఎంపీటీసీ, జడ్పీటీసీ ఎన్నికల్లో కూటమి క్లీన్ స్వీప్ చేయాలి: సీఎం చంద్రబాబు పిలుపు
మున్సిపల్ ఎన్నికల్లో సాధించిన 94 శాతం స్ట్రైక్ రేట్ విజయస్ఫూర్తితో గ్రామీణ స్థానిక సంస్థల ఎన్నికల్లోనూ క్లీన్ స్వీప్ సాధించాలని టీడీపీ అధినేత, సీఎం చంద్రబాబు నాయుడు కూటమి శ్రేణులకు దిశానిర్దేశం చేశారు.
అక్షర పరిమాణం
- కూటమి ఐక్యతకు భంగం కలిగించేలా వ్యవహరిస్తే ఎంతటి వారినైనా ఉపేక్షించే ప్రసక్తే లేదని స్పష్టమైన హెచ్చరికలు జారీ చేశారు. రాష్ట్ర ఆర్థిక పరిస్థితి ఇబ్బందికరంగా ఉన్నప్పటికీ సంక్షేమం, డీఎస్సీ, ఉద్యోగ నియామకాలను సమర్థవంతంగా అమలు చేస్తున్నామని తెలిపారు






