రాష్ట్రంలో కూటమి ప్రభుత్వం ఎన్నికల హామీల అమలుపై దృష్టి సారించిందని మంత్రి బీసీ జనార్దన్‌రెడ్డి తెలిపారు. గత ప్రభుత్వం నిర్లక్ష్యం చేసిన అభివృద్ధి పనులను ముందుకు తీసుకెళ్తున్నామని చెప్పారు. స్థానిక సంస్థల ఎన్నికలను దృష్టిలో పెట్టుకొని వైసీపీ నేతలు నిరాధార విమర్శలు చేస్తున్నారని ఆరోపించారు. మౌలిక సదుపాయాలు, రహదారులు, డ్రైనేజీ వంటి అభివృద్ధి పనులకు ప్రభుత్వం ప్రాధాన్యం ఇస్తోందని పేర్కొన్నారు.