రాష్ట్రంలోని 11 ప్రభుత్వ మెడికల్ కాలేజీల్లో 15 వైద్య విభాగాల్లో 161 పీజీ సీట్లకు ఎన్ఎంసీ అనుమతులు మంజూరు చేసిందని డీఎంఈ డాక్టర్ విష్ణువర్ధన్ తెలిపారు. గత విద్యా సంవత్సరంలో 142 సీట్లు రాగా, ఈసారి 163 ప్రతిపాదనలకు గానూ రికార్డు స్థాయిలో 161 సీట్లకు గ్రీన్ సిగ్నల్ వచ్చింది. ఎమర్జెన్సీ మెడిసిన్, రెస్పిరేటరీ మెడిసిన్, సైకియాట్రీ, రేడియేషన్ ఆంకాలజీ వంటి విభాగాల్లో సీట్లు పెరగడం వల్ల అత్యవసర చికిత్స, క్యాన్సర్ వైద్య రంగాలకు నిపుణుల బలం పెరగనుంది. ప్రస్తుతం మంజూరైన సీట్లను 2026-27 కౌన్సెలింగ్ ద్వారా భర్తీ చేయనున్నారు.
ప్రభుత్వ వైద్య కళాశాలల్లో కొత్తగా 161 పీజీ సీట్లు మంజూరు
ఆంధ్రప్రదేశ్లోని 11 ప్రభుత్వ వైద్య కళాశాలలకు 2026-27 విద్యా సంవత్సరానికి గానూ జాతీయ వైద్య మండలి (ఎన్ఎంసీ) కొత్తగా 161 పీజీ వైద్య సీట్లను మంజూరు చేసింది. పంపిన ప్రతిపాదనల్లో 98.77 శాతం సీట్లకు అనుమతి లభించింది
అక్షర పరిమాణం
- మొత్తం 163 సీట్లకు ప్రతిపాదనలు పంపగా 161 సీట్లకు ఎన్ఎంసీ ఆమోదం తెలిపింది.
- ఆర్థోపెడిక్స్ విభాగంలో అత్యధికంగా 27 పీజీ సీట్లు మంజూరయ్యాయి. డీవీఎల్, ఈఎన్టీ, పాథాలజీ విభాగాలకు 16 చొప్పున, రేడియో డయాగ్నోసిస్కు 14 సీట్లు లభించాయి. బోధనా సిబ్బంది నియామకాలు, ఆసుపత్రుల్లో పడకలు, మౌలిక వసతుల పెంపుతోనే ఈ భారీ విజయం సాధ్యమైందని అధికారులు వెల్లడించారు.






