కృత్రిమ మేధస్సు వినియోగం వేగంగా పెరుగుతున్న నేపథ్యంలో డేటా సెంటర్ల సామర్థ్యాన్ని విస్తరించేందుకు కంపెనీలు భారీగా పెట్టుబడులు పెడుతున్నాయి. గ్రేన్‌కో గ్రూప్‌కు చెందిన ఏఐ మౌలిక వసతుల ప్లాట్‌ఫామ్ వచ్చే 15 నెలల్లో రూ.2,000 కోట్ల పెట్టుబడులు పెట్టాలని భావిస్తున్నట్లు కథనం పేర్కొంది.
హైదరాబాద్‌లోని యూనిట్ సామర్థ్యాన్ని విస్తరించడంతో పాటు మలేషియాలో కొత్త వ్యవస్థలను ఏర్పాటు చేయడానికి చర్యలు చేపడుతున్నట్లు తెలిపింది. మొత్తం సామర్థ్యం 100 మెగావాట్లకు చేరేలా ప్రణాళికలు ఉన్నాయని కథనం వివరించింది.