హైదరాబాద్, అభ్యుదయం: తెలంగాణ రాష్ట్ర విద్యావ్యవస్థలో సమూల సంస్కరణలు తీసుకురావాలని రాష్ట్ర ప్రభుత్వం నిర్ణయించింది. ఆధునిక కాలంలో వస్తున్న మార్పులు, భవిష్యత్తు అవసరాలకు అనుగుణంగా పాఠ్యప్రణాళికను తీర్చిదిద్దాల్సిన అవసరం ఉందని ముఖ్యమంత్రి రేవంత్ రెడ్డి స్పష్టం చేశారు. విద్యాశాఖపై అధికారులతో నిర్వహించిన సమీక్షలో ఆయన మాట్లాడుతూ, విద్యార్థులకు నాణ్యమైన విద్య అందించడమే ప్రభుత్వ తొలి ప్రాధాన్యత అని పేర్కొన్నారు. సంస్కరణల అమలులో ఏ ఒక్క విద్యార్థికీ నష్టం కలగకుండా జాగ్రత్తలు తీసుకోవాలని సూచించారు. ప్రభుత్వ విద్యాసంస్థలపై తల్లిదండ్రుల్లో నమ్మకం పెరిగేలా తరగతి గదులు, బోధనా సదుపాయాలు మెరుగుపరచాలని ఆదేశించారు.

అభ్యుదయం (Abhyudhayam Digital) | Page No: 1 & 2 | Date: 12-11-2026