ప్రపంచవ్యాప్తంగా ఘనవిజయం సాధించిన 'కల్కి' సినిమా రెండో భాగానికి సంబంధించిన సన్నాహాలు ముమ్మరమయ్యాయి. దర్శకుడు నాగ్ అశ్విన్ భారీ సెట్టింగులను సిద్ధం చేస్తుండగా, నవంబర్ నెలాఖరు నుంచి ప్రభాస్ సెట్స్‌లో అడుగుపెట్టనున్నారు. మొదటి భాగం ముగింపులో వచ్చిన ఉత్కంఠతకు కొనసాగింపుగా మహాభారత ఘట్టాలు, భవిష్యత్ ప్రపంచ పరిణామాలను మరింత విజువల్ గ్రాండియర్‌గా తీర్చిదిద్దేందుకు ప్లాన్ చేశారు. మరోవైపు అమితాబ్ బచ్చన్, కమల్ హాసన్ పాత్రలకు సంబంధించిన కీలక సన్నివేశాల చిత్రీకరణను సమాంతరంగా పూర్తి చేయనున్నారు.