హనుమకొండ, అభ్యుదయం ఓటరు జాబితాల సవరణ ప్రక్రియలో భాగంగా జారీ అయిన నోటీసులపై విచారణకు ప్రత్యేక కేంద్రాలు ఏర్పాటు చేయనున్నట్లు అధికారులు తెలిపారు. ఓటరు వివరాల్లో లోపాలు, పేర్ల తొలగింపు, చిరునామా మార్పు, అభ్యంతరాల వంటి అంశాలను ఈ కేంద్రాల్లో పరిశీలించనున్నారు.
అర్హులైన ఓటరు ఒక్కరూ జాబితా నుంచి తప్పిపోకూడదనే ఉద్దేశంతో విచారణ ప్రక్రియను పారదర్శకంగా నిర్వహించాలని అధికారులు నిర్ణయించారు. నోటీసులు అందుకున్న వారు అవసరమైన పత్రాలతో సంబంధిత కేంద్రాలను సంప్రదించాలని సూచించారు. సమయానికి తమ వివరాలను ధృవీకరించుకోవడం ద్వారా ఓటరు హక్కును కాపాడుకోవచ్చని తెలిపారు.
