విజయవాడలో జరిగిన విలేకరుల సమావేశంలో వైస్ ఛాన్సలర్ డాక్టర్ పి. చంద్రశేఖర్ ఈ వివరాలను వెల్లడించారు. 1986 నవంబర్ 1న ప్రారంభమైన ఈ వర్సిటీ దేశ వైద్య రంగానికి లక్షలాది మంది నిపుణులను అందించిన ఘనతను సొంతం చేసుకుందని తెలిపారు. ఈ కార్యక్రమానికి అనుబంధ కళాశాలల నుంచి వెయ్యి మందికి పైగా వైద్య విద్యార్థులు, బోధనా సిబ్బంది పాల్గొంటారని వర్సిటీ రిజిస్ట్రార్ డాక్టర్ సాయి సుధీర్ పేర్కొన్నారు.