ఈ ఏడాది సెప్టెంబర్ 1వ తేదీన రష్యా-ఉక్రెయిన్ సరిహద్దు యుద్ధంలో అవిలాల సుదర్శన్ దురదృష్టవశాత్తూ మరణించారు. స్వగ్రామంలో ఆయన అంత్యక్రియలు నిర్వహించేందుకు పార్థివదేహాన్ని స్వదేశానికి తీసుకురావడానికి ఆర్థిక స్తోమత లేకపోవడంతో, ఆయన భార్య భార్గవి అక్టోబర్ 9న ప్రజావాణి కార్యక్రమంలో ప్రభుత్వాన్ని ఆశ్రయించారు. ఆ కుటుంబ పరిస్థితిని, ఆర్ధిక ఇబ్బందులను పరిగణనలోకి తీసుకున్న మంత్రి అడ్లూరి లక్ష్మణ్ కుమార్ ఈ అంశాన్ని సీఎం దృష్టికి తీసుకెళ్లారు. మానవతా దృక్పథంతో స్పందించిన ముఖ్యమంత్రి ఎ. రేవంత్ రెడ్డి, సుదర్శన్ పార్థివదేహాన్ని భారత్‌కు తరలించేందుకు అయ్యే ఖర్చుల నిమిత్తం సీఎం సహాయనిధి నుంచి రూ.6.00 లక్షలు కేటాయించాలని సంబంధిత అధికారులకు ఆదేశాలు జారీ చేశారు.

For more information on this article please read page number 1 dated on 13-10-2026 in Abhyudayam E-paper.