പതിറ്റാണ്ടുകളായി വൈദ്യശാസ്ത്രരംഗത്ത് വലിയ വെല്ലുവിളിയായിരുന്ന പാൻക്രിയാറ്റിക് ക്യാൻസർ ചികിത്സയിൽ പുതിയ നാഴികക്കല്ല് തകർത്ത് അന്താരാഷ്ട്ര ഗവേഷകർ. ഗുരുതരാവസ്ഥയിലുള്ള 500 രോഗികളിൽ നടത്തിയ ക്ലിനിക്കൽ പരീക്ഷണങ്ങളിൽ 'ഡരാക്‌സോൺറാസിബ്' ഗുളികകൾ മികച്ച ഫലം നൽകിയിട്ടുണ്ട്. ട്യൂമർ വലിപ്പം കുറയുന്നതിന് പുറമേ, ഈ മരുന്ന് ഉപയോഗിക്കുന്നവരിൽ രോഗികളുടെ ജീവിത നിലവാരം മെച്ചപ്പെട്ടതായി ഗവേഷണങ്ങൾ തെളിയിച്ചിട്ടുണ്ട്. കീമോതെറാപ്പിയുമായി താരതമ്യപ്പെടുത്തുമ്പോൾ, ചർമ്മപ്രശ്നങ്ങൾ, വായിലെ അൾസർ തുടങ്ങിയ ചെറിയ പാർശ്വഫലങ്ങൾ ഒഴികെ ഗുരുതരമായ പാർശ്വഫലങ്ങൾ വളരെ കുറവാണ്.