രാജ്യത്തുടനീളം നടക്കുന്ന സെൻസസ് ശേഖരണത്തോടൊപ്പം ജാതി സെൻസസും സമഗ്രമായി നടത്തണമെന്നും ലേഖനത്തിൽ ആവശ്യമുയർന്നു. സാമൂഹികമായും സാമ്പത്തികമായും പിന്നാക്കം നിൽക്കുന്ന വിഭാഗങ്ങളുടെ യഥാർത്ഥ അവസ്ഥ വിലയിരുത്താൻ ഇത് ഉപകരിക്കുമെന്നാണ് പറയുന്നത്.
ജനസംഖ്യാവിവരങ്ങൾ ഡിജിറ്റലായി ശേഖരിക്കുമെന്നതിനാൽ ഫീൽഡ് സ്റ്റാഫിന് ഉചിതമായ പരിശീലനം നൽകാൻ നിർദേശിച്ചിട്ടുണ്ട്. വിവരങ്ങളുടെ രഹസ്യസ്വഭാവത്തിൻ്റെയും കൃത്യതയുടെയും കാര്യത്തിൽ പ്രത്യേകം ശ്രദ്ധിക്കണമെന്ന് അദ്ദേഹം അഭിപ്രായപ്പെട്ടു.
ആസൂത്രിതമായ ക്ഷേമ പരിപാടികൾ രൂപപ്പെടുത്തുന്നതിന് വിശ്വസനീയമായ ജനസംഖ്യയും സാമൂഹിക സ്ഥിതിവിവരക്കണക്കുകളും അത്യന്താപേക്ഷിതമാണെന്ന് ലേഖനം പറയുന്നു.
